Edition

कोल्हापूरच्या धर्तीवर शिराळ्यातही ऊसाला प्रतिटन ४२०० रुपये दर द्या!.. शेतकरी संघटनांचे उपोषण सुरूच; तहसीलदारांच्या दालनातील बैठक निष्फळ, देवेंद्र धस यांचे आमरण उपोषण कायम

👇समाचार सुनने के लिए यहां क्लिक करें

शिराळा तालुक्यातील सहकारी साखर कारखाना आणि दालमिया सहकारी साखर कारखान्याने अद्याप चालू हंगामातील ऊसदर जाहीर न केल्याने ऊस उत्पादक शेतकऱ्यांमध्ये नाराजी व्यक्त होत आहे. कोल्हापूर जिल्ह्यातील शेतकऱ्यांना प्रतिटन ४२०० रुपये दर मिळाल्याच्या पार्श्वभूमीवर शिराळा तालुक्यातील शेतकऱ्यांनाही हाच दर मिळावा, अशी मागणी विविध शेतकरी संघटनांनी केली आहे.
या मागणीसाठी शिराळा येथे विविध शेतकरी संघटनांच्या वतीने उपोषण आंदोलन सुरू करण्यात आले आहे. आंदोलनकर्त्यांनी जोरदार घोषणाबाजी करत ऊसदराचा प्रश्न ऐरणीवर आणला आहे.
दरम्यान, तहसीलदार श्यामला खोत यांच्या दालनात ऊसदराच्या प्रश्नावर बैठक आयोजित करण्यात आली होती. या बैठकीस दोन्ही साखर कारखान्यांचे प्रतिनिधी उपस्थित होते. यावेळी शेतकरी प्रतिनिधी संदीप राजोबा यांनी शेतकऱ्यांची भूमिका ठामपणे मांडत प्रतिटन ४२०० रुपये दर देण्याची मागणी केली.
बैठकीत ऊसदर आणि शेतकऱ्यांना मिळणारा योग्य मोबदला यावर चर्चा झाली. मात्र, चर्चेतून कोणताही ठोस निर्णय होऊ शकला नाही. त्यामुळे बैठक निष्फळ ठरली. त्यानंतर युवा आघाडीचे देवेंद्र धस यांनी आपले आमरण उपोषण सुरूच ठेवण्याचा निर्णय घेतला. त्यामुळे शिराळ्यातील ऊसदराचा प्रश्न अधिक चिघळण्याची चिन्हे आहेत.
या आंदोलनात शेतकरी संघटनेचे अध्यक्ष संदीप राजोबा, ॲड. सम्राट शिंदे, ॲड. रवी पाटील, संजय बेले, रामभाऊ पाटील, काका रोकडे, युवा आघाडीचे देवेंद्र धस, अरविंद पाटील, प्रकाश पाटील, संदीप पाटील, रंजीत पाटील, प्रभाकर पाटील, मनहर पटेल, श्रीधर पाटील, नंदकुमार पाटील यांच्यासह विविध शेतकरी संघटनांचे पदाधिकारी व कार्यकर्ते सहभागी झाले होते.
माजी खासदार राजू शेट्टी यांच्या नेतृत्वाखाली स्वाभिमानी शेतकरी संघटनेने कोल्हापूर जिल्ह्यात ऊसदरासाठी उभारलेल्या आंदोलनाचा दाखला देत शिराळ्यातील शेतकऱ्यांनीही प्रतिटन ४२०० रुपये दराची मागणी केली आहे. शेतकऱ्यांच्या घामाला योग्य मोबदला मिळावा, हीच आंदोलनकर्त्यांची प्रमुख भूमिका आहे.
कोल्हापूरला ४२०० रुपये, तर शिराळ्यात अन्याय का? शेतकऱ्यांच्या घामाला योग्य दाम मिळालाच पाहिजे, अशी ठाम भूमिका आंदोलनकर्त्यांनी मांडली आहे.

Vishal Kranti
Author: Vishal Kranti

Leave a Comment

और पढ़ें

₹४० हजारांच्या कर्जासाठी पोलिस कॉन्स्टेबलला ब्लॅकमेलिंगचा जाच; अखेर आयुष्य संपवलं! बेकायदेशीर लोन ॲप ऑपरेटरकडून पत्नीचे मॉर्फ केलेले फोटो व्हायरल करण्याची धमकी; हैदराबादमधील धक्कादायक घटना

पोलिस कर्मचाऱ्यांना शिक्षेविरोधात आता एकदाच अपील करता येणार! दुसऱ्यांदा दाद मागण्याचा मार्ग बंद; थेट ‘मॅट’मध्ये जावे लागणार महाराष्ट्र पोलिस दलाचे नवे परिपत्रक; विभागीय अपील प्रक्रियेत महत्त्वपूर्ण बदल, प्रलंबित प्रकरणे कमी करण्याचा प्रयत्न

traffic tail

₹४० हजारांच्या कर्जासाठी पोलिस कॉन्स्टेबलला ब्लॅकमेलिंगचा जाच; अखेर आयुष्य संपवलं! बेकायदेशीर लोन ॲप ऑपरेटरकडून पत्नीचे मॉर्फ केलेले फोटो व्हायरल करण्याची धमकी; हैदराबादमधील धक्कादायक घटना

पोलिस कर्मचाऱ्यांना शिक्षेविरोधात आता एकदाच अपील करता येणार! दुसऱ्यांदा दाद मागण्याचा मार्ग बंद; थेट ‘मॅट’मध्ये जावे लागणार महाराष्ट्र पोलिस दलाचे नवे परिपत्रक; विभागीय अपील प्रक्रियेत महत्त्वपूर्ण बदल, प्रलंबित प्रकरणे कमी करण्याचा प्रयत्न

error: Content is protected !!