विशालक्रांती न्यूज प्रतिनिधी अमर माने मलिकवाड.
काडापूर, (ता.चिकोडी ) येथील रहिवासी आप्पांना तानाजी माळी याचा सोमवार, दिनांक १२ ऑक्टोबर रोजी सकाळी वयाच्या अवघ्या २६व्या वर्षी दुःखद निधन झाले.
त्याच्या अकाली निधनाच्या वृत्ताने काडापूर गावासह परिसरात शोककळा पसरली असून सर्वत्र हळहळ व्यक्त केली जात आहे.
मिळालेल्या माहितीनुसार, आप्पांना तानाजी माळी हे सुमारे एक महिन्यापूर्वी वाहन घसरून झालेल्या अपघातात जखमी झाले होते. त्यानंतर त्यांच्यावर उपचार सुरू होते. मात्र, त्यांचे निधन झाल्याने माळी कुटुंबीयांवर दुःखाचा डोंगर कोसळला आहे.
आप्पांना तानाजी माळी हे आई-वडिलांचे एकुलते एक पुत्र होते. तरुण वयातच त्यांची जीवनयात्रा संपल्याने त्यांच्या कुटुंबीयांवर मोठा आघात झाला आहे.
ज्या वयात आयुष्याची नवी स्वप्ने पाहायची, भविष्य घडवायचे आणि कुटुंबाच्या आशा-आकांक्षा पूर्ण करायच्या असतात, त्याच वयात त्यांचे निधन झाल्याने नातेवाईक, मित्रपरिवार आणि ग्रामस्थांमधून तीव्र दुःख व्यक्त केले जात आहे.
