इचलकरंजी प्रतिनिधी – बांधकाम कामगाराच्या बंद केलेल्या शैक्षणिक योजना व विविध योजना ताबडतोब सुरू करा या मागणीसाठी कामगार संघटना संयुक्त कृती समितीच्या वतीने आज प्रांत कार्यालयासमोर निदर्शने करण्यात आली
. महाराष्ट्र इमारत व इतर बांधकाम कामगार कल्याणकारी मंडळाच्या वतीने बांधकाम कामगारांना विविध योजना सुरू होत्या मात्र 13 जुलै 2026 परिपत्रक काढून सदरच्या योजना बंद केल्या आहेत त्या ताबडतोब सुरू करा, सुविधा केंद्रा मध्ये नवीन नोंदणी, नुतनीकरण अर्जाचा कोठा वाढवा, आधार क्रमांक मध्ये दुरुस्ती नावाच्या स्पेलिंग मध्ये दुरुस्ती व इतर किरकोळ बाबीच्या दुरुस्तीचे अधिकार जिल्हा सुविधा केंद्रांना द्या आदी मागण्यांची निवेदन देण्यात आले
. यावेळी सदरचे निवेदन वरिष्ठ पातळी पाठवून पाठपुरावा करू असे आश्वासन शिरस्तेदार मा. संजय काटकर यांनी दिले.
. यावेळी आनंदा गुरव, राजेंद्र निकम, मदन मुरगुडे, सचिन साठे, बंडोपंत सातपुते, सचिन बिरांजे, शंकर नंदरगी, संगीता सिंग, संजय पुजारी, सुधीर अतिग्रे, मनीषा नाईक, सत्येजीत निंबाळकर, अमित वडर, तौफिक नाईकवडे आदी उपस्थित होते.
