पुणे प्रतिनिधी –
दि. २४ जुलै २०२६ : भारतातील आघाडीची टाईल्स उत्पादक कंपनी कजारिया सिरेमिक्स लिमिटेड यांनी पुण्यातील शिवाजीनगर येथे अत्याधुनिक कजारिया आणि केरोविट एक्सपीरियन्स सेंटर सुरू केले आहे. देशातील सर्वात मोठ्या अशा या केंद्राचे उद्घाटन कजारिया सिरेमिक्स लिमिटेडचे व्यवस्थापकीय संचालक ऋषी कजारिया यांच्या हस्ते करण्यात आले.
शिवाजीनगर येथील डीएसके गंधर्व हाइट्स, कृषी महाविद्यालयाजवळ असलेल्या या १५,००० चौरस फूट क्षेत्रफळाच्या केंद्रात ग्राहक, वास्तुविशारद, इंटिरिअर डिझायनर आणि बांधकाम व्यावसायिकांना टाईल्स, बाथवेअर आणि अॅडहेसिव्ह उत्पादनांची विस्तृत श्रेणी एकाच छताखाली पाहण्याची सुविधा उपलब्ध करून देण्यात आली आहे.
हे केंद्र तीन मजल्यांवर पसरले असून येथे कजारिया टाईल्स, युनीटेरा व अल्टिमा या मोठ्या आकाराच्या स्लॅब्स, केरोविट बाथवेअर तसेच ग्रेसबॉण्ड अॅडहेसिव्ह उत्पादने प्रदर्शित करण्यात आली आहेत.
यावेळी बोलताना ऋषी कजारिया म्हणाले, “भारतातील प्रत्येक कुटुंबाला उत्कृष्ट टाईल्स व बाथ सोल्युशन्स उपलब्ध करून देणे हे आमचे ध्येय आहे. पुण्यातील हे नवीन एक्सपीरियन्स सेंटर ग्राहकांना जागतिक दर्जाच्या उत्पादनांचा आणि संपूर्ण जीवनशैली समाधानांचा अनुभव देईल.”
तसेच कार्तिक कजारिया, बिझनेस हेड – ग्रेसबॉण्ड यांनी सांगितले की, आजच्या बांधकाम क्षेत्रात विशेषतः मोठ्या आकाराच्या टाईल्ससाठी दर्जेदार अॅडहेसिव्हचे महत्त्व वाढले आहे. ग्रेसबॉण्डकडे विविध प्रकारचे टाईल अॅडहेसिव्ह, ग्राउट्स आणि टाईल क्लिनर्सची संपूर्ण श्रेणी उपलब्ध आहे.
कजारिया विषयी
गेल्या ३८ वर्षांहून अधिक काळापासून कजारिया ही भारतातील अग्रगण्य टाईल्स ब्रँड असून कंपनीची वार्षिक उत्पादन क्षमता ९०.५० दशलक्ष चौरस मीटर इतकी आहे. गुणवत्ता, नावीन्य आणि अत्याधुनिक उत्पादन प्रक्रियेमुळे कजारियाने उद्योग क्षेत्रात आपले वेगळे स्थान निर्माण केले आहे.
केरोविट विषयी
२०१४ मध्ये सुरू झालेल्या केरोविट ब्रँडअंतर्गत आधुनिक सॅनिटरीवेअर व बाथ सोल्युशन्सची निर्मिती केली जाते. राजस्थानमधील गैलपूर आणि गुजरातमधील मोरबी येथील अत्याधुनिक उत्पादन केंद्रांमधून जागतिक दर्जाची उत्पादने ग्राहकांपर्यंत पोहोचवली जातात.
