खोतवाडी हायस्कूल खोतवाडी ता.हातकणंगले, जि.कोल्हापूर येथे डॉ.ए.पी.जे.अब्दुल कलाम यांची जयंती व वाचन प्रेरणा दिन मोठ्या उत्साहात संपन्न झाला.
या कार्यक्रमाची सुरवात डॉ.ए.पी.जे.अब्दुल कलाम यांच्या प्रतिमापुजनाने व दीपप्रज्वलनाने झाली विद्यालयाचे मुख्याध्यापक श्री.यासीन मुजावर सर व विद्यालयाचे पर्यवेक्षक श्री.शांतीनाथ मगदुम सर यांचे हस्ते प्रतिमा पुजन व दीपप्रज्वलन संपन्न झाले.
यानंतर विद्यालयातील इयत्ता आठवीची विद्यार्थीनी कु.श्रावणी व्हणमाने हिने आपल्या मनोगतातुन डॉ.ए.पी.जे.अब्दुल कलाम यांच्या जीवनाविषयी माहिती सांगितली.
यानंतर विद्यालयाचे पर्यवेक्षक श्री.शांतीनाथ मगदुम सर यांनी आपल्या मनोगतातुन डॉ.ए.पी.जे.अब्दुल कलाम यांच्या शैक्षणिक कार्याविषयी माहिती सांगितली.
तसेच विद्यालयाचे मुख्याध्यापक श्री.यासीन मुजावर सर यांनी आपल्या मनोगतातुन डॉ.ए.पी.जे.अब्दुल कलाम यांचे शैक्षणिक कार्य त्यांनी केलेले संशोधन या विषयी माहिती दिली.
तसेच डॉ.ए.पी.जे.अब्दुल कलाम यांच्या जयंती निमित्त विद्यालयात ग्रंथ प्रदर्शन भरवण्यात आले व सामुदायिक वाचन घेण्यात आले.
या कार्यक्रमाप्रसंगी विद्यालयाचे विद्यार्थी-विद्यार्थीनी,शिक्षक-शिक्षिका,शिक्षकेत्तर कर्मचारी उपस्थित होते.
या कार्यक्रमाचे सुत्रसंचालन श्री.समाजे सी.बी.यांनी केले तर आभार श्रीमती नेजकर पी.पी.मॅडम यांनी आभार मानले.
