मलिकवाड (ता.चिकोडी )येथील गणेशोत्सवानिमित्त मलिकवाड येथील श्री.किरण हिरीकुडे यांच्या घरी यंदाही आकर्षक व मनमोहक घरगुती गणपती डेकोरेशन करण्यात आले आहे. विशेष म्हणजे, गेल्या सलग सात वर्षांपासून हिरीकुडे परिवाराकडून गणपती बाप्पांच्या आगमनानिमित्त विविध संकल्पना, कल्पकता आणि कलात्मकतेचा वापर करून सजावट करण्याची परंपरा जपली जात आहे. या सजावटीमध्ये वडगावे परिवाराचाही उत्स्फूर्त सहभाग असतो.
दरवर्षीप्रमाणे यंदाही घरगुती गणपतीच्या सजावटीसाठी आकर्षक रोषणाई, सुंदर देखावे, विविध कलात्मक साहित्य तसेच बाप्पांच्या मूर्तीला साजेशी सजावट करण्यात आली आहे. या मनमोहक सजावटीमुळे घर परिसरात भक्तिमय आणि प्रसन्न वातावरण निर्माण झाले आहे.
गणपती बाप्पांच्या आगमनापासूनच हिरीकुडे व वडगावे परिवारातील लहानांपासून मोठ्यांपर्यंत सर्वजण उत्साहाने गणेशोत्सवात सहभागी होत आहेत. दररोज बाप्पांची पूजा, आरती तसेच विविध धार्मिक उपक्रमांमुळे परिसरात भक्तिमय वातावरण पाहायला मिळत आहे.
**‘गणपती बाप्पा मोरया’**च्या जयघोषाने परिसर दुमदुमून जात आहे.गेल्या सात वर्षांपासून सातत्याने गणपती सजावटीची ही परंपरा जपून ठेवत हिरीकुडे व वडगावे परिवाराने गणेशोत्सवातील कला, संस्कृती आणि धार्मिक परंपरेचा सुंदर संगम साधला आहे. त्यांच्या या उपक्रमाचे परिसरातील नागरिक व गणेशभक्तांकडून कौतुक होत आहे.
गणेशोत्सव हा केवळ धार्मिक उत्सव न राहता कला, संस्कृती, परंपरा, सर्जनशीलता आणि सामाजिक एकोप्याचे दर्शन घडविणारा उत्सव ठरत आहे. हिरीकुडे परिवाराची सलग सात वर्षांची ही गणपती डेकोरेशनची परंपरा यंदाही गणेशभक्तांचे लक्ष वेधून घेत आहे.
विशालक्रांती न्यूज प्रतिनिधी
अमर माने, मलिकवाड
