कोल्हापूर / प्रतिनिधी :
गगनबावडा मार्गावरील गजानन महाराज कॉलनी परिसरात काही संशयास्पद वस्तू आढळून आल्याने परिसरात खळबळ उडाली आहे. सदर प्रकार हा वशीकरणाशी संबंधित असल्याची चर्चा नागरिकांमध्ये सुरू असून, या घटनेमुळे नागरिकांमध्ये भीतीचे वातावरण निर्माण झाले आहे.
गजानन महाराज कॉलनी परिसरात आढळलेल्या संशयास्पद वस्तूंमुळे नागरिकांमध्ये विविध चर्चांना उधाण आले आहे. नेमका हा प्रकार कोणी केला, त्यामागील उद्देश काय आहे, तसेच याचा कोणाशी संबंध आहे का, याबाबत अद्याप अधिकृत माहिती उपलब्ध झालेली नाही.
दरम्यान, अशा प्रकारांबाबत नागरिकांनी अफवांवर विश्वास न ठेवता वस्तुस्थितीची खात्री करावी, असे आवाहन करण्यात येत आहे. संबंधित घटनेची माहिती पोलिसांना देण्यात आली असून, पोलिसांकडून आवश्यक ती चौकशी करण्यात येण्याची शक्यता आहे.
या प्रकारामुळे गगनबावडा मार्गावरील गजानन महाराज कॉलनी परिसरात काही काळ चर्चेचे वातावरण निर्माण झाले आहे.
