रायबाग/प्रतिनिधी : तालुक्यातील नंदीकुरळी गावातील शेतकरी बाळकृष्ण वागे यांच्या विहिरीत मगर आढळून आल्याने परिसरात खळबळ उडाली. विहिरीत मगर असल्याचे निदर्शनास येताच ग्रामस्थांनी वनविभागाला माहिती दिली.
माहिती मिळताच वनविभागाचे कर्मचारी घटनास्थळी दाखल झाले. ग्रामस्थांच्या मदतीने वनविभागाच्या कर्मचाऱ्यांनी अथक प्रयत्न करून मगरीला सुरक्षितपणे पकडले. त्यानंतर तिला नैसर्गिक व सुरक्षित अधिवासात सोडण्यात आले.
या कारवाईमुळे ग्रामस्थांनी वनविभागाच्या कर्मचाऱ्यांचे कौतुक केले. वनाधिकारी उमेश प्रमंदिरी यांनी याबाबत माहिती दिली.
यावेळी श्रीशैल सद्दी, पृथ्वीराज जाधव, राजू सावंत, महेश सावंत, आप्पासाहेब जकाठी, चिदानंद हिरेकुराबर, विठ्ठल हिरेकुराबार यांच्यासह ग्रामस्थ व वनविभागाचे कर्मचारी उपस्थित होते.
