गांधीनगर:- प्रतिनिधी उदय साळुंखे,
उचगाव ता.करवीर येथ जन्मदात्या पित्याकडून आपल्या दोन्ही मुलींवर लैंगिक अत्याचार करण्यात आला असून ही घटना समाजाला काळिमा फासणारी आणि निषेधार्थ आहे . त्यामुळे ही केस फास्ट्रॅक कोर्टात चालवुन नराधमास फाशीची शिक्षा होण्यासाठी पोलीस प्रशासनाने प्रयत्न करावेत अशा मागणीचे निवेदन गांधीनगर पोलीस ठाण्याचे सहाय्यक पोलीस निरीक्षक अतुल कदम यांना करवीर शिवसेना (उबाठा) गटाच्या वतीने देण्यात आले .
ही घटना समाजाला काळीमा फासणारी असून या नराधमाचे कोणीही वकिल पत्र घेवू नये यासाठी सोमवारी दि६ रोजी जिल्हा बार असोसिएशनला विनंती करणार आहे. असे करवीर तालुका प्रमुख राजू यादव यांनी स्पष्ट केले. यावेळी करवीर तालुकाप्रमुख राजू यादव, बाळासाहेब नलवडे, योगेश लोहार, सचिन नागटिळक, सुनील पारपाणी, शिवाजी लोहार, दीपक फ्रेमवाला, रामराव पाटील आदी उपस्थित होते.
