कोल्हापूर: प्रतिनिधी – उदय साळुंखे,
पंचगणीच्या सुंदर आणि आव्हानात्मक टेकड्यांवर नुकत्याच पार पडलेल्या ‘रण सह्याद्री चॅलेंज हिल मॅरेथॉन २०२६’ मध्ये, गांधीनगरचे ग्रामसेवक आणि गडमुडशिंगीचे सुपुत्र विजय शरद पाटील यांनी एक विशेष कामगिरी केली आहे. केवळ प्रशासकीय जबाबदाऱ्या सांभाळत दररोजचे काम करणेच नव्हे, तर स्वतःला शारीरिक व मानसिकदृष्ट्या सक्षम ठेवण्याची त्यांची जिद्द वाखाणण्याजोगी आहे.
या मॅरेथॉनमधील २१ किलोमीटरची हाफ मॅरेथॉन यशस्वीपणे पूर्ण करून, त्यांनी हे सिद्ध केले आहे की योग्य नियोजन आणि दृढनिश्चय असेल तर कर्तव्य आणि आवड यांचा समतोल कसा साधायचा.
गावाच्या विकासात योगदान देणाऱ्या ग्रामसेवकाने मैदानावर दाखवलेले हे धाडस संपूर्ण गडमुडशिंगी गावांसाठी अभिमानास्पद आहे आणि गावकरी व इतर तरुणांसाठी नक्कीच एक मोठी प्रेरणा ठरेल.
